ლიანა ჯოჯუა UFC-ში მორიგ ორთაბრძოლას შაბათს გამართავს და მისი მეტოქე კორტნი ქეისი იქნება.
ჯოჯუამ ყველაზე პრესტიჟულ ორგანზიაციაში აქამდე 1 ბრძოლა მოიგო, ორჯერ კი დამარცხდა. ბოლო ბრძოლის შემდეგ დანა უაითი მასთან პირადად მივიდა და უთხრა რომ ერთ შანსს კიდევ მისცემდა.
ლიანას ძლიერი მხარე ჭიდაობაა და სწორედ მტკივნეულით აქვს მოპოვებული ამ ეტაპზე ერთადერთი გამარჯვება UFC-ში.
ჯოჯუას მეტოქე საკმაოდ გამოცდილი 34 წლის ამერიკელი მებრძოლია. მიუხედავად კორტნის არც თუ ისე შთამბეჭდავი სტატისტიკისა ( 9 მოგება და 9 მარცხი ), ქეისი თანაბრად ძლიერია როგორც სტრაიკინგში ასევე ჭიდაობაშიც. 9 გამარჯვებიდან 3 ნოკაუტით, 4 მტკივნეულით, ხოლო 2 მსაჯების გადაწყვეტილებით აქვს მოპოვებული. აღსანიშნავია, რომ 9 მაცხიდან 7 მათგანში მსაჯების გადაწყვეტილებით წააგო.
ბუკმეიკერების აზრით ამ ბრძოლაში ფავორიტი კორტნი ქეისია, ლიანა ჯოჯუას კი ეგრეთწოდებული "ანდერდოგის" სტატუსი მიანიჭეს. ჯოჯუას გამარჯვებას კოეფიციენტად 2.80 მიანიჭეს, ხოლო ქეისი გამარჯვებას კი 1.44
ღონისძიებაზე უნდა ეასპარეზა რომან დოლიძესაც, თუმცა კოვიდ 19-ის დადასტურების გამო მისი ბრძოლა ჩაიშალა.
ივენთის ბოლო ბრძოლა მაქს ჰოლოვეისა და იაირ როდრიგესს შორის შედგება.
