"თითქმის ყველა იარაღიდან ვისვრი, არაფერს მოვერიდები" - უკრაინელი სპორტსმენების მიმართვა

უკრაინელმა ძიუდოისტმა, მსოფლიოსა და ევროპის ჩემპიონმა დარია ბილოდიდმა სოციალურ ქსელში განცხადება გამოაქვეყნა.

21 წლის სპორტსმენი წერს, რომ უკრაინელ ხალხს სიცოცხლე და მშვიდობა სურს. მან რუსეთსა და ბელორუსს გაჩერებისაკენ მოუწოდა.

“დღეს, დილის 6 საათზე, კიევში სროლების ხმამ გამაღვიძა, სიტყვებს ვერ ვპოულობ. შეშინებული ვარ და ცლოცულობ ჩემი ოჯახისა და ქვეყნისათვის. რუსეთმა ჩვენი დაბომბვა დაიწყო, ომი დაწყებულია. აქამდე, არ მჯეროდა, რომ ეს მოხდებოდა. რატომ? რატომ სპობთ ადამიანების სიცოცხლეებს? რუსეთო და ბელარუსო, გაჩერდით! ჩვენ მშვიდობა გვინდა, ჩვენ გვინდა, რომ ვიცოცხლოთ!” – წერს ბილოდიდი.

ლეგენდარული  უკრაინელი მოკრივე და ახლა კიევის მერი, ვიტალი კლიჩკო მზად არის იარაღი აიღოს და სამხედროებს შეუერთდეს

 "თითქმის ყველა იარაღიდან ვისვრი, არაფერს მოვერიდები".

ანდრეი შევჩენკო :

"უკრაინა ჩემი სამშობლოა! ყოველთვის ვამაყობდი ჩემი ხალხით! ბევრი რთული პერიოდი გამოვიარეთ და ბოლო 30 წლის განმავლობაში ერად ჩამოვყალიბდით! გულმართალი მოქალაქეების ერი! ეს არის ჩვენი ყველაზე მნიშვნელოვანი აქტივი! დღეს რთული დროა ყველა ჩვენთაგანისთვის. მაგრამ ჩვენ უნდა გავერთიანდეთ! ერთობით ჩვენ გავიმარჯვებთ! დიდება უკრაინას!", -დაწერა ანდრეი შევჩენკომ სოციალურ ქსელში.