სამწუხარო ინფორმაცია ხვიჩა კვარაცხელიასთან დაკავშირებით

საქართველოს ეროვნული ნაკრების წევრი და ყაზანის "რუბინის" შემტევი, ხვიჩა კვარაცხელია "კაირატის" წინააღმდეგ მატჩისას დაშავდა.

სეზონისწინა მოსამზადებელი შეხვედრა ხვიჩამ ძირითად შემადგენლობაში დაიწყო და მე-20 წუთზე გამარჯვების გოლის გატანაც მოახერხა.

მიუხედავად ამისა, პირველი ნახევრის დასრულებამდე მას მოედნის დატოვება იძულებით მოუხდა.

კვარაცხელიას თურქულ შეკრებას ეფექტურად ატარებს, ქართველმა ამხანაგურ მატჩებში 6 გოლის გატანა მოახერხა, რუსეთის ჩემპიონატში კი მიმდინარე სეზონში 16 შეხვედრაში 2 გოლის გატანა და 5 საგოლე გადაცემის გაკეთება მოახერხა.