![](https://sport24.ge/uploads/posts/2024-07/1721940853_438158349_995193688901880_5091208989344057033_n.jpg)
24 მარტს საქართველოსა და ესპანეთის ნაკრებებს შორის გასამართ მატჩზე დასასწრები ბილეთების გაყიდვა დაიწყება.
გთავაზობთ საქართველოს ფეხბურთის ფედერაციის განცხადებას:
“ფიფას 2022 წლის მსოფლიო ჩემპიონატის საკვალიფიკაციო ეტაპის მეორე ტურის მატჩის, საქართველო – ესპანეთის, ბილეთების გაყიდვა, 24 მარტს 12:00 საათზე დაიწყება.
Covid 19-ის პანდემიის გამო ქვეყანაში არსებული რეგულაციებიდან გამომდინარე, შეხვედრაზე დასასწრები ყველა ბილეთის რეალიზაცია ონლაინ რეჟიმში TKT.ge-ზე მოხდება. ბილეთის ფასი 5, 10, 15 და 25 ლარია.
საქართველო – ესპანეთის მატჩზე ბილეთების შესაძენად და შეხვედრაზე დასასწრებად შესაბამისი რეგულაციები იმოქმედებს. თამაშს გულშემატკივართა შეზღუდული რაოდენობა დაესწრება, რაც სტადიონის საერთო ტევადობის 30 პროცენტს მოიცავს.
მატჩის დასრულების შემდეგ, 29 მარტის 01:00 საათამდე, თბილისის მერიის უზრუნველყოფით, ქალაქის მასშტაბით იმუშავებს საზოგადოებრივი ტრანსპორტი.
- ერთ მომხმარებელს შეუძლია მაქსიმუმ სამი ბილეთის შეძენა
- ბილეთის შეძენისას აუცილებელია მითითებულ იქნას ყველა მფლობელის პირადი ინფორმაცია (სახელი, გვარი, პირადი ნომერი, დაბადების თარიღი, მობ. ტელეფონის ნომერი, ელექტრონული ფოსტა). ინფორმაციის შეყვანა უნდა მოხდეს მაქსიმალური სიზუსტით.
- მითითებული პირადი ინფორმაციის საფუძველზე გაიცემა გადაადგილების საშვი, რომელიც 29 მარტის 01:00 საათამდე იმოქმედებს.
- ავტომობილის გამოყენების შემთხვევაში, ბილეთის ყიდვისას მომხმარებელმა უნდა მიუთითოს იმ ავტომობილის მონაცემები, რომლითაც თამაშის დღეს გადაადგილდება.
- მატჩის დღეს გადაადგილების საშვზე დასტურს გულშემატკივარი მითითებულ ნომერზე მოკლეტექსტური შეტყობინების სახით მიიღებს
- გადაადგილების საშვის გამოსაყენებლად ყველა გულშემატკივარმა თან უნდა იქონიოს პირადი ნომრის დამადასტურებელი დოკუმენტი (პასპორტი, პირადობის მოწმობა, მართვის მოწმობა ან დაბადების მოწმობა)
- აკრძალულია ბილეთის მფლობელის შეცვლა
- ყველა არსებული რეგულაცია ვრცელდება არასრულწლოვან პირებზეც
- ბილეთებთან დაკავშირებით დამატებითი ინფორმაციისთვის მიმართეთ TKT.ge-ს
- სტადიონის შესასვლელები გაიღება 17:00 საათიდან
- სტადიონის შიდა ტერიტორიაზე მოხვედრა მხოლოდ ბილეთზე მითითებული შესასვლელი კარით იქნება შესაძლებელი
- სტადიონის ტერიტორიაზე შესვლამდე მოხდება ყველა გულშემატკივრის თერმოსკრინინგი
- სტადიონის ტერიტორიაზე სავალდებულოა პირბადის ტარება
- სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი
- რეგულაციების შესაბამისად, არ იფუნქციონირებს კვების ობიექტები, თუმცა სტადიონის ტერიტორიაზე ხელმისაწვდომი იქნება სასმელი წყალი
გულშემატკივართა საყურადღებოდ: სტადიონზე ყოფნის განმავლობაში მოგიწოდებთ, დაიცვათ და გაითვალისწინოთ ყველა ზემოთ ჩამოთვლილი რეგულაცია. ასევე უცვლელი რჩება სტადიონზე ქცევის წესები, რომლებიც შეგიძლიათ იხილოთ მითითებულ ბმულზე.”
![გიორგი კვერნაძემ "ბარისთან" ამხანაგურ მატჩში გოლი გაიტანა (+VIDEO) გიორგი კვერნაძემ "ბარისთან" ამხანაგურ მატჩში გოლი გაიტანა (+VIDEO)](/uploads/posts/2024-07/1721894247_i_66025ac49421e8d51d01f9d5bb8a4e3a_1721843101166978_0.jpg)
![„დას სილამაზით არ ჩამოუვარდება“ - ვინ არის გიორგი მამარდაშვილის ცოლის და, რომელიც განსაკუთრებული გარეგნობის გამო საზოგადოების ყურადღების ქვეშ მოექცა „დას სილამაზით არ ჩამოუვარდება“ - ვინ არის გიორგი მამარდაშვილის ცოლის და, რომელიც განსაკუთრებული გარეგნობის გამო საზოგადოების ყურადღების ქვეშ მოექცა](/uploads/posts/2024-07/1721815757_khatia-epitashvili_o_h-3.jpeg)
![”უშეცდომო კვარა”– რა ვიდეოს აქვეყნებს UEFA -ს ფეისბუქ-გვერდი? ”უშეცდომო კვარა”– რა ვიდეოს აქვეყნებს UEFA -ს ფეისბუქ-გვერდი?](/uploads/posts/2024-07/1721760487_9cb95640-4919-11ef-8fec-25aef3e25baf.jpg)
![გიორგი წიტაიშვილი კარიერას ესპანეთში გააგრძელებს გიორგი წიტაიშვილი კარიერას ესპანეთში გააგრძელებს](/uploads/posts/2024-07/1721747172_u21-tsita-1686921560.jpg)