"ყველაზე საუკეთესო შვილი, ყველაზე ჰუმანური ადამიანი, ვისაც ვიცნობ. მხოლოდ უფალმა იცის, თუ რამდენი ადამიანის ბედია შენზე დამოკიდებული და რამდენს შრომობ ამისთვის. ყველაფერი კარგად იქნება და რაც მთავარია, შენ ვერავინ წაგართმევს სიმშვიდეს. უფალმა დაგლოცოს შვილო..." - ამის შესახებ ილია თოფურიას დედა ინგა თოფურია სოციალურ ქსელში წერს.
ცნობისთვის, ორი თვის წინ ილია თოფურიასა და ჯორჯინა უზკატეგუის დაშორების შესახებ ინფორმაცია გავრცელდა.
UFC-ის ორგზის ჩემპიონმა კი პირად ცხოვერაბზე სოციალურ ქსელში ვრცელი პოსტი რამდენიმე დღის გამოაქვეყნა და საზოგადოებას ამცნო, რომ ის შანტაჟისა და გამოძალვის მსხვერპლია.
"ბოლო რამდენიმე კვირაა მივიღე რთული გადაწყვეტილება, დროებით გადავდო ჩემი ტიტულის დაცვა. ეს გადაწყვეტილება მარტივად არ მიმიღია. თუმცა, როდესაც ჩნდება გარემოებები, რომლებიც საფრთხის ქვეშ აყენებს შენს ღირსებას, ოჯახს და რეპუტაციას, დგება მომენტი, როდესაც ამას პირადად უნდა გაუმკლავდე.
"ბოლო თვეებში ვიღებდი მძიმე და მიუღებელ ზეწოლას, მათ შორის მუქარას
, რომ ფინანსური მოთხოვნების შეუსრულებლობის შემთხვევაში, გავრცელდებოდა ოჯახური ძალადობის შესახებ ცრუ ბრალდებები. ეს ბრალდებები სრულიად უსაფუძვლოა.
ყველა შესაბამისი მტკიცებულება საგულდაგულოდ არის შენახული და დოკუმენტირებული, მათ შორის აუდიოჩანაწერები, წერილობითი კომუნიკაცია, მოწმეების ჩვენებები და ვიდეომასალა. ეს მტკიცებულებები გადაეცა შესაბამის სამართლებრივ ორგანოებს, რათა დაიწყოს სამართლებრივი პროცესი გამოძალვის მცდელობის, მტკიცებულებების გაყალბების, ფინანსური და პირადი ქონების მითვისებისა და მრავალჯერადი მუქარის ფაქტებზე.
ჩემი თავდაპირველი გადაწყვეტილება დუმილის შენარჩუნების შესახებ მიღებული იყო მხოლოდ ჩემი შვილების დასაცავად, რომლებიც ჩემი ცხოვრების უმნიშვნელოვანესი ნაწილია. თუმცა გავაცნობიერე, რომ ასეთ პირობებში დუმილი სიმართლეს არ იცავს - ეს ცრუ ნარატივების გავრცელების საშუალებას იძლევა.
ბევრ ადამიანს გამოუცდია მსგავსი სიტუაციები და სამართლებრივმა სისტემამ არაერთხელ ნათელი მოჰფინა ფაქტებს. დღეს ვდგავარ არა მხოლოდ ჩემი და ჩემი ოჯახის გამო, არამედ იმის საჩვენებლადაც, რომ დაშინების ან მანიპულაციის გამო იძულებით არავის უნდა დაემორჩილო.
ვინც მიცნობს, შეუძლია დაადასტუროს, რომ არასდროს მიმიმართავს რაიმე სახის ძალადობისთვის და რომ ჩემი ცხოვრება და კარიერა ყოველთვის დისციპლინით, პატივისცემითა და ღირსებით იყო წარმართული.სრულ ნდობას ვუცხადებ სამართლებრივ პროცესს და საშუალებას მივცემ სამართლებრივ სისტემას, მტკიცებულებებზე დაყრდნობით დაადგინოს ფაქტები.
ჩემი შვილებისა და მიმდინარე სამართლებრივი პროცესების პატივისცემის გამო, აღარ გავაკეთებ დამატებით საჯარო განცხადებებს. გთხოვთ, თავი შეიკავოთ სპეკულაციებისგან და პატივი სცეთ ჩემი ოჯახის პირად სივრცეს.
სიმართლეს ხმამაღლა ყვირილი კი არა, ფაქტები სჭირდება", - აღნიშნულია ილია თოფურიას განცხადებაში.
წყარო: palitravideo.ge
