დღის ახალი ამბები

"ტკივილი აუტანელი იყო" - ფინელ სპორტსმენს პეკინის ოლიმპიადაზე პენისი მოეყინა

"ტკივილი აუტანელი იყო" - ფინელ სპორტსმენს პეკინის ოლიმპიადაზე პენისი მოეყინა
21-02-2022, 08:51

თხილამურებით მარათონული რბოლა სპორტის ერთ-ერთი ყველაზე რთული სახეობაა - სპორტსმენებს დიდი დისტანციის, 50 კილომეტრის გავლა ზამთრის ცივ ამინდში, ურთულეს პირობებში უწევთ. ისინი რბოლისას საათში 1000 კალორიას წვავენ. ამას, პეკინის ოლიმპიადაზე მამაკაცებს შორის გამართული შეჯიბრის დროს კიდევ ერთი სირთულე - ყინულოვანი ქარიც დაემატა, რის გამოც ორგანიზატორებმა გადაწყვიტეს, მოყინვის და სხვა ტრავმების თავიდან აცილების გამო დისტანცია 30 კილომეტრამდე შეემცირებინათ.

ბრიტანული The Mirror-ის ინფორმაციით, მიუხედავად ამ შეღავათისა, რბოლა ფინელი სპორტსმენის რემი ლინდჰოლმისთვის განსაკუთრებით რთული აღმოჩნდა. ტრასაზე გატარებული 76 წუთის დროს მას "საინტერესო და მგრძნობიარე ორგანო" მოეყინა.

"ეს ყველაზე საშინელი შეჯიბრი იყო, რომელშიც მონაწილეობა მიმიღია. მაქსიმალურად ვცდილობდი ტკივილისთვის გამეძლო. თუმცა, აუტანელი ტკივილი მაშინ ვიგრძენი, როდესაც რბოლა დასრულდა და სხეულის ნაწილებმა გათბობა დაიწყეს," - განაცხადა სპორტსმენმა, რომელმაც რბოლაში 28-ე ადგილი დაიკავა.
საინტერესოა, რომ ფინელი სპორტსმენისთვის ეს შეგრძნება პირველი არ არის - პენისი მას შარშან, სამშობლოში, რუკაში გამართული შეჯიბრის დროსაც მოეყინა. 

წყარო: newposts.ge





გაზიარება
მოინახულეს 2 968-ჯერ
კომენტარები
რეკლამა