![](https://sport24.ge/uploads/posts/2024-07/1721940853_438158349_995193688901880_5091208989344057033_n.jpg)
საქართველოს წარმომადგენელმა, 26 წლის მორის ყვითელაშვილმა სოჭში გამართულ ტურნირზე ფიგურულ სრიალში პირველი ადგილი აიღო. ამის შესახებ „ეხო კავკაზა" იუწყება.
კაცებს შორის პროგრამაში ყვითელაშვილმა ორი ტურის ჯამში 170,96 ქულა მოიპოვა, რამაც პირველი ადგილის დაკავების შესაძლებლობა მისცა. მეორე ადგილზე რუსეთის წარმომადგენელი, ხოლო მესამეზე - იაპონელი მოციგურავე გავიდა.
ყვითელაშვილი ისტორიაში პირველი ქართველი მოციგურავეა, რომელმაც ასეთი მნიშვნელოვანი საერთაშორისო ტურნირის მოგება შეძლო.
„ეს შესანიშნავი ბრძოლა იყო. დღეს ყველაფერი გამომივიდა, ძალიან მოვინდომე. დიდი მადლობა ჩემს მწვრთნელებს, ჩემს მშობლებს, საქართველოს ფიგურული სრიალის ფედერაციას, საქართველოს სპორტის სამინისტროს და ოლიმპიურ კომიტეტს. მესმის თუ არა, რომ საქართველოს ფიგურული სრიალის ისტორიაში შევედი? ალბათ ჯერ არა. მერე ალბათ მოგვიანებით ვიგრძნობ ამას“ - განაცხადა ყვითელაშვილმა.
მორის ყვითელაშვილი პეკინის ოლიმპიურ თამაშებზე საქართველოს წარმომადგენელი იქნება. საქართველოს 2022 წლის ოლიმპიურ თამაშებზე ფიგურულ სრიალში ოთხი ლიცენზია აქვს, რაც უპრეცედენტო შემთხვევაა.
წყარო: pia.ge
![გიორგი კვერნაძემ "ბარისთან" ამხანაგურ მატჩში გოლი გაიტანა (+VIDEO) გიორგი კვერნაძემ "ბარისთან" ამხანაგურ მატჩში გოლი გაიტანა (+VIDEO)](/uploads/posts/2024-07/1721894247_i_66025ac49421e8d51d01f9d5bb8a4e3a_1721843101166978_0.jpg)
![„დას სილამაზით არ ჩამოუვარდება“ - ვინ არის გიორგი მამარდაშვილის ცოლის და, რომელიც განსაკუთრებული გარეგნობის გამო საზოგადოების ყურადღების ქვეშ მოექცა „დას სილამაზით არ ჩამოუვარდება“ - ვინ არის გიორგი მამარდაშვილის ცოლის და, რომელიც განსაკუთრებული გარეგნობის გამო საზოგადოების ყურადღების ქვეშ მოექცა](/uploads/posts/2024-07/1721815757_khatia-epitashvili_o_h-3.jpeg)
![”უშეცდომო კვარა”– რა ვიდეოს აქვეყნებს UEFA -ს ფეისბუქ-გვერდი? ”უშეცდომო კვარა”– რა ვიდეოს აქვეყნებს UEFA -ს ფეისბუქ-გვერდი?](/uploads/posts/2024-07/1721760487_9cb95640-4919-11ef-8fec-25aef3e25baf.jpg)
![გიორგი წიტაიშვილი კარიერას ესპანეთში გააგრძელებს გიორგი წიტაიშვილი კარიერას ესპანეთში გააგრძელებს](/uploads/posts/2024-07/1721747172_u21-tsita-1686921560.jpg)