„რა ფეხბურთიც ვაჩვენეთ, წარმოუდგენელი იყო... პირველი გოლი ჩემს ბავშვს და ლაშა ბექაურს მივუძღვენი“ - ხვიჩა კვარაცხელია

ერთა ლიგის B დივიზიონის პირველ ტურში საქართველოს საფეხბურთო ნაკრები ჩეხეთს დაუპირისპირდა და დამაჯერებლად, 4:1 ანგარიშით მოიგო.

მატჩის დამთავრების შემდეგ ერთ-ერთი გოლის ავტორმა, ხვიჩა კვარაცხელიამ კომენტარი გააკეთა:

„გუნდის თამაშს დადებითად შევაფასებ. ჩემი აზრით, დღეს რა ფეხბურთიც ვაჩვენეთ, წარმოუდგენელი იყო. ვეცადეთ, რომ ლამაზი ფეხბურთი გვეჩვენებინა და ალბათ, გამოგვივიდა კიდეც.

ჩეხეთი ევროპის ერთ-ერთი საუკეთესო ნაკრებია, მაგრამ დღეს ჩვენი დღე იყო. შედეგი გამოიღო იმან, რომ დამაგვირგვინებელ ფაზაში ძლიერები ვიყავით და ფეხბურთიც სწორედ ესაა.

პირველი გოლი ჩემს ბავშვს და ლაშა ბექაურს მივუძღვენი“, - აღნიშნა ხვიჩა კვარაცხელიამ.

შეგახსენებთ, რომ საქართველოს ნაკრებს მომავალი შეხვედრა 10 სექტემბერს ტირანაში ელის, მეტოქე კი ალბანეთი იქნება.