როგორ ეხმაურება სომხური მედია გუშინ, „დინამო არენაზე“, საქართველო-სომხეთის მატჩის შემდეგ მომხდარს?

გუშინ „დინამო არენაზე“, ერთა ლიგის პლეი-ოფში, საქართველომ სომხეთი დაამარცხა (ორი მატჩის ჯამში 9:1) და B ლიგაში ადგილი შეინარჩუნა.

თამაშის დასრულების შემდეგ, ქართველ გულშემატკივართა ნაწილი მოედანზე შეცვივდა, რასაც სომეხი სტუმრების შეურაცხყოფა მოჰყვა.

აღნიშნულს სოციალურ ქსელში სომხური გამოცემა Ուրիշ Ֆուտբոլ – Urish Football ეხმაურება.

„ძვირფასო ქართველებო, ვისაც კარგი დამოკიდებულება ჰქონდა სომხების მიმართ.

გვესმის, რომ ეს არ არის ქართველი გულშემატკივრების რეალური სახე, მაგრამ ეს მოხდა ამ [ქართული] ჯგუფისგან ჩვენი გულშემატკივრების წინააღმდეგ. ასე არ მომხდარა რამდენიმე დღის წინ ერევანში ქართველებთან მიმართებით“, – აღნიშნულია facebook-პოსტში.

წყარო: mix.metronome.ge