როდესაც ყველაფერში საუკეთესო ხარ - რა თანხა გამოიმუშავა მაიკლ ჯორდანმა მესის პსჟ-ში გადასვლით ?

ლეგენდარულმა კალათბურთელმა, მაიკლ ჯორდანმა ლიონელ მესის პსჟ-ში ტრანსფერით ძალიან იხეირა.

58 წლის აწ უკვე ბიზნესმენს "პარი სენ-ჟერმენის" მაისურზე Air Jordan-ის ლოგო აქვს - გარიგების მიხედვით, მაიკლს ფრანგული კლუბის ყოველი მაისურის გაყიდვიდან 5%-ზე მეტი ეკუთვნის.

ზემოხსენებული წყაროს ცნობით, "ჩიკაგო ბულსის" ყოფილმა კალათბურთელმა მესის მაისურების გაყიდვიდან უკვე 6 მილიონზე მეტი გამოიმუშავა.

რაც შეეხება თავად პსჟ-ს, ფრანგებმა "ლა პულგას" ტრანსფერის დადასტურებიდან ერთ კვირაში, მაისურების გაყიდვით 120 მილიონი ევრო მიიღეს.

"ოქროს ბურთის" ექვსგზის მფლობელის პარიზულ  კლუბში პრეზენტაციის შემდეგ, კლუბის ოფიციალურ მაღაზიაში არსებული სრული მარაგი 20 წუთში გაიყიდა.